Her çi ra raver, ma şıma ra reca kenime ke, nuşte û meqaleyanê xo be Zazakiyê pak û zelali bınusê.
Şıma rê zehmet, meqaleyanê xo be Zazakiyo Standard û Alfabeyê Wareyi bınusê. Labelê, êyê ke wazenê, şenê be Alfabeyê Bedırxani zi bınusê.
Eke şıma Zazakiyo Standard nêzanenê, şenê be Zazakiyê dewa xo bınusê. Labelê, Zazakiyê dewa xo gani 'raşt' bınusê.
Wikipediyaya Zazaki de vandalizm, heqaretkerdene tometa! Karberê ke çiyanê wınasiyan kenê, Wikipediya ra yenê teberkerdış.
Naye xo vira mekerê: Semedê (qandê, seba) Wikipediya de nuştene, zaf teknik û marifeto hewl lazım niyo. Eke şıma pelanê Wikipediya de bıgeyrê û tayê qurdi kerê, şenê xeylê çi bımusê.
Heto bin ra, şıma key ke meqale nusenê ya zi vurnenê, kesi ra metersê! Tiya Wikiyo. Labelê, şıma nuşteyanê xo de gani ca bıdê çımeyanê objektifan.
Nuşteyanê xo de, haydarê nuxte û virgulan vınderê (diqet kerê), û nuxta ya zi virgule dıma çekuyan miyan de tayê (hebê) mabeyn cı dê.